MADUO: 80
NAKO: 2 diura
Pampiri e, e na le ditsebe di le 7.
PAMPIRI YA BOBEDI (P2)
NGWANAITSEELE 2009
MOPHATO 12
DITAELO
Pampiri e, e arogantswe ka dikarolo di le THARO e leng A, B le C.
KAROLO YA A: Tlhamo
KAROLO YA B: Ditlhangwa tse dileele tsa tirisano gammogo le ditlhangwa tse di dirisang mekgwa e e farologaneng ya tlhaeletsano.
KAROLO YA C: Ditlhangwa tse dikhutshwane tsa tirisano/tshupetso/ tshedimosetso/pono/gammogo le ditlhangwa tse di dirisang mekgwa e e farologaneng ya tlhaeletsano.
Baithuti ba tshwanetse go araba potso e le NNGWE go tswa mo karolong nngwe le nngwe.
Karolo NNGWE le NNGWE e simololwe mo tsebeng e NTŠHWA, mme kwa bokhutlong jwa karabo moithuti a thalele.
Tlogela mola mo magareng a dikarolo tsa gago.
Kwala sentle ka mokwalo o o buisegang.
Tlhokomela mopeleto le popego ya dipolelo.
Baithuti ba tla abelwa maduo a go dira lenaneo la thulaganyo, go tsereganya le go buisa tiro ya bona pele ba araba dipotso.
KAROLO YA A: TLHAMO
POTSO 1
Kwala tlhamo ya boleele jwa mafoko a a ka nnang 200 - 250 ka ga NNGWE fela ya ditlhogo tse di latelang kgotsa ditshwantsho tse di neilweng. Fa o dirisa setshwantsho go kwala tlhamo, se neele setlhogo se se maleba. O se ka wa lebala go thala letlhomeso/lenaneopaakanyo pele o kwala.
Sekaseka setshwantsho se se fa tlase, mme o tlotle ka ga bonokwane jo bo diragalang mo nageng ya rona letsatsi le letsatsi.
KGOTSA
Ga ke kitla ke lebala letsatsi leo ...
KGOTSA
Bogodu ga bo duele.
KGOTSA
Leba setshwantsho se se latelang, mme o tlotle ka ga se se diragalang.
KGOTSA
Keteko ya letsatsi la Keresemose mo polaseng e tlisa mowa wa poelano le tirisano.
KGOTSA
Leba setshwantsho se se fa tlase, mme o kwale maikutlo a gago ka ga sona.
KGOTSA
Batsadi ba tsenngwa ke bana mo mathateng.
KGOTSA
Leba setshwantsho se se latelang, mme morago o ntshe maikutlo a gago ka ga sona.
PALOGOTLHE YA KAROLO YA A:
KAROLO YA B: DITLHANGWA TSE DILEELE TSA TIRISANO
POTSO 2
Araba potso e le NNGWE fela mo karolong ya B. Karabo e nne boleele jwa mafoko a a ka nnang 80 - 100.
Kwalela tsala ya gago lekwalo o mo kope go tla go jela malatsi a boikhutso kwa gaeno. Mo gopotse gore a se ka a lebala go itsise batsadi.
KGOTSA
Baagisani ba lona ba le thusitse thata mo tirong ya go bula matlapa. Ba kwalele lekwalo la ditebogo.
KGOTSA
Thalela morwarraago karata ya keleletsomasego ka a falotse dithuto tsa gagwe tsa bongaka mme morago o e mo romelele.
KGOTSA
O mongwe wa baemedi ba baithuti mo sekolong sa lona. Kwalela mogokgo pegelo e khutshwane ka go tla thari ga bana ba sekolo sa lona letsatsi le letsatsi.
PALOGOTLHE YA KAROLO YA B:
KAROLO YA C: DITLHANGWA TSE DIKHUTSHWANE TSA TIRISANO
POTSO 3
Araba potso e le NNGWE fela mo karolong ya C. Karabo e nne boleele jwa mafoko a a ka nnang 60 - 80.
O kopilwe ke lekgotla la kereke ya ga lona go thalela batlamoletlong dikaelo tsa go ya kwa kerekeng. O se ka wa lebala go akaretsa maina a dikolo, mabenkele, diholo, le diphaka.
KGOTSA
Thala phousetara e e tla tsibosang babuisi ka bakgweetsi ba ba se nang makwalo a a maleba.
KGOTSA
Romela posekarata e mo go yona o tlhalosang ka mokgwa o o kileng wa timela, mme wa itharabologelelwa o le kwa toropong e o sa e itseng.
PALOGOTLHE YA KAROLO YA C:
PALOGOTLHE:
